NAMUCUM

NAMUCUM

locus est ad Mosam, inter Deonantum et Hoium, Comitatus ac novi Episcopatus titulô insignis, vulgo Namur: cuius incolae Namurois.

Olim Mamucum castrum dictum est, prope quod Gislemarum, Praefectum Palatii, Pipini Ducis copias fraude ac periurio deceptas oppressisse, ac plurimos Austrasiorum nobiles viros interfecisse, legimus in Gestis Regum Fran. corum. Postea transpositis literis Namucum dici coepit: donec corruptô nomine et insertô r. Namurcum et Namurum appellatum est: quod ante annos 500. iam in vulgari usu fuisse, patet ex literis Comitis Suessionensis, ad Ludovicum Fran corum Regem eius nominis septimum, ubi Comitem de Namur commemorat.

Castrum hoc muniisse quendam Rotbertum, ex hostibus Bruno nis, refert Frodoardus in Chron. ad A. C. 960. Vide Hadr. Vales. Notit. Gall. et in voce Namurcum.